बैतडीको पाटन नगरपालिका–६ स्थित जवरजल ढ्वानी भिरमा डडेल्धुराका एक युवकको शव १९ माघमा फेला पर्यो । शव भेटिएपछि लडेर मृ”त्यु भएको हुनसक्ने आंकलन गरिएको थियो । मृ”तक डडेल्धुराको नवदुर्गा गाउँपालिका–५ का २० वर्षीय पदम अवस्थी हुन् । मृतकका आफन्तका अनुसार उनी १७ माघमा नै आफूले काम गरेको होटलबाट पारिश्रमिक लिन भनी बैतडी आएका थिए ।
घटना रहस्यमय देखिएकाले निष्पक्ष छानबिन हुनुपर्ने आफन्तको माग रहेको छ । पदमको लडेर मृत्यु भएको नभई कसैले हत्या गरेर फालेको आफन्तको दावी छ । शव फेला परेको एक हप्ता हुन लागेको छ । घ”टनाबारे प्र”हरीले अनुसन्धान गरिरहेको बताएको छ । मृ”तकको सम्पर्कमा आएका व्यक्तिहरुलाई सोधपुछको काम भइरहेको प्रहरीको भनाइ छ ।
अहिलेसम्म कसैलाई पनि नियन्त्रणमा भने नलिएको जिल्ला प्रहरी कार्यालय बैतडीका प्रवक्ता प्र”हरी निरीक्षक योगेश खत्रीले बताए । मृ”तकको खल्तीमा प्र”हरीलाई दिन तयार पारिएको निवेदन र १० हजार रकमको चेक भेटिएकाले घटना शंकास्पद देखिन्छ । चेक २३ गतेका लागि का”टिएको खुलेको छ भने निवेदनमा उल्लेख भएको कुराबारे प्र”हरीले केही बताएको छैन ।
उनले भने, ‘मृतक पाटन पुगेको दिनदेखि उनको सम्पर्कमा आएका सबैसँग सोधपुछ गरिरहेका छौँ, उनको साथमा भेटिएका केही तथ्य र प्रमाणबारे पनि सुक्ष्म अनुसन्धान भइरहेको छ ।’ पोष्ट”मार्टम रिर्पोट प्राप्त भएको र रिर्पोटको आधारमा अनुसन्धान अघि बढाएको पनि उनले बताए ।मृ”तक पाटनस्थित एक होटलमा काम गरेका व्यक्ति हुन् ।
