पैदलयात्रीलाई ठ’क्कर दिएर भागेको पजेरो महेन्द्रपुलको बारले अड्काउँदा ठूलो दु’र्घटना बाट बचेको छ । आज दिउँसो साढे १ बजेतिरको समयमा पजेरोले बाटोमा हिँडिरहेका म्याग्दी, धौलागिरी ३ बस्ने ५२ वर्षीया फूलमाया बिक र उनका छोरा १८ वर्षका विष्णु बिकलाई ठ’क्कर दिएको हो ।
बा१३ च २६६२ नम्बरको उक्त पजेरो जीप तनहुँ शुक्लागण्डकी ५ बस्ने डा. चन्द्रबहादुर थापाले चलाएको खुलेको छ । आमाछोरालाई ठ’क्कर दिएपछि चालक हतास भएर गाडी हुइँकाउन खाेज्दा अनियन्त्रित भएर पुलकाे बारमा ठाेक्किन पुगेकाे थियाे । पुलमुनी साँघुरो र गहिरो सेती खोँच रहेको छ ।
पुलको बार बलियो हुँदा गाडी खस्नबाट जोगियो भने मानवीय क्षति पनि हुन पाएन । घाइते आमाछोरालाई पश्चिमाञ्चल क्षेत्रीय अस्पतालमा उपचारका लागि लगिएको छ ।पार्किङबाट निकाल्ने क्रममा पैदलयात्री आमाछोरालाई पजेरोले ठक्कर दिई घाइते बनाएको जिल्ला ट्राफिक प्रहरी कार्यालय कास्कीका प्रवक्ता प्रहरी वरिष्ठ नायव निरिक्षक शिवप्रसाद पाठकले गण्डकन्यूजलाई जानकारी दिए ।
दोषी चालकलाई जिल्ला प्रहरी कार्यालय कास्कीमा लगिएको छ भने दु’र्घटनामा परेको पजेँरोलाई क्रेनले उचालेर जिल्ला ट्राफिक प्रहरी कार्यालय कास्कीमा ल्याइएको छ ।
घटनापछि महेन्द्रपुलमा केही समय ट्राफिक जाम भएको थियो ।
