उपचारको क्रममा सुत्केरीको मृत्यु भएको प्रकरणमा अस्पताल र मृतकका परिवार तथा आफन्तबीच ६ बुँदे सहमति भएको छ । उपचारको क्रममा विदुर नगरपालिकाकी सरिता न्यौपानेको काठमाडौंको मनमोहन अस्पतालमा मृत्यु भएको थियो । जिल्लाको त्रिशुली अस्पतालमा बच्चा जन्मिए पनि उनको स्वास्थ्य जटिल बनेको भन्दै त्यहाँबाट काठमाडौं पठाइएको थियो ।
तर काठमाडौंको मनमोहन अस्पताल आइपुग्दा न्यौपानेको शरिरका कुनै पनि अंगले काम गर्न छाडेपछि बिहीबार निधन भएको थियो । सोमबार चेकअपका लागि अस्पताल पुगेकी उनको अप्रेशन गरिएको थियो । सोही दिन साँझ शल्यक्रिया भए पनि सुत्केरीको शरिरमा इन्फेक्सन भइ अवस्था जटिल बनेको थियो । तर अस्पतालले समयमै रिफर नगरेको कारण मृत्यु भएको आफन्त तथा परिवारको आरोप रहेको छ ।
त्यसको साथै उक्त घटनाको दोषी उपर कानून बमोजिम कारबाही गर्ने, ज्यान गुमाएकी नवजात शिशुको पालनपोषणको लागि त्रिशुली अस्पताल र विदुर नगरपालिका समेतको सहयोगमा ५ लाख १३ दिनभित्र उपलब्ध गराउने । त्यस्तै अबदेखि कुनै पनि घटनामा उपचार तथा क्षतीपूर्ती उपलब्ध गराउन जिल्लामा कोष खडा गर्ने ।
यता उनको आफन्त र परिवारले भने त्रिशुली अस्पतालको लापरबाहीले सुत्केरीको मृत्यु भएको भन्दै आन्दोलन गरेका थिए शुक्रबार दुवै पक्षबीच विभिन्न ६ विषयमा सहमति भएको छ । सहमति अनुसार घटनाको यथार्थ छानबिनसहित अस्पतालको आन्तरिक व्यवस्थापन सुधार गर्नका लागि रायसहितको प्रतिवेदन ७ दिनभित्र बुझाउनका लागि सहायक प्रमुख जिल्ला अधिकारीको संयोजकत्वमा ५ सदस्यीय छानबिन समिति गठन गर्ने ।
त्यसको लागि जिल्लास्थित स्थानीय निकाय, प्रदेश स्वास्थ्य मन्त्रालय लगायत सम्बन्धित मन्त्रालयहरुमा सिफारिस गर्ने निर्णय भएको हो । त्यस्तै मृतकका नबालिकाको हकमा त्रिशुली अस्पतालले स्वास्थ्य तथा शिक्षाको ग्यारेन्टी नगरपालिकाले गर्ने निर्णय भएको हो ।
शल्यक्रियाका क्रममा अस्पतालको लापरबाहीले सुत्केरीको मृत्यु भएको भन्दै आफन्तहरूले सडक अवरूद्ध पारेका छन् । पासाङल्हामु र गल्छी–काठमाडौं जाने सडक पिपलटारमा सडक अवरूद्ध भएको हो । जिल्लाबाट बाहिर जाने र यहाँ आउने सवारी रोकिएका छन् ।
बिहीबार पीडित पक्षले अस्पतालको लापरबाहीले उनको मृत्यु भएको भन्दै जिल्ला प्रशासन कार्यालयको रोहबरमा पीडित पक्ष र अस्पताल प्रशासनबीच क्षतिपूर्ति तथा घटनाको छानबिन गर्ने सहमति भइ टुंगोमा पुगिसकेको विषयलाई त्रिशूली अस्पतालका प्रमुख तथा मेडिकल सुपरिटेण्डेन्ट (मिसु) दिपेन्द्र पाण्डेले शुक्रबार विज्ञप्ति जारी गरेपछि पीडित पक्ष आन्दोलनमा उत्रेर सडक बन्द गराएका छन् ।
