काठमाडौँ।मेचिकाली खवरका सम्पादक भोजराज थापालाई ‘ प्रतिभा प्रवद्र्धन मिडिया अवार्ड’ प्रदान गरिएको छ । थापालाई प्रतिनिधि सभाका उपसभामुख इन्दिरा राना, संघीय सांसद चन्द्र भण्डारी र सन्तोष परियारले अवार्ड सहित सम्मान प्रदान गरेका हुन् ।
दाङ जिल्लाबाट पत्रकारितामा पत्रकारिताको सुरुवात गरेका थापाले बुटवल, चितवन र काठमाडौँ हुदै देशैभरि नै आफ्नो कार्य क्षेत्र बनाएका छन्। विभिन्न बाधा र व्यवधानका विचमा नेपालका कुनाकन्दरामा पुगेर भएका घटनालाई जस्ताको तस्तै सम्प्रेषण गर्दै आइरहेका छन्।
गाउँगाउँमा लुकेका प्रतिभालाई मिडिया मार्फत कलाकारितामा स्थापित गर्नु, बेसाहाराको लागि साहारा बन्नु थापाको मुख्य कर्म बनेको छ । सत्यतथ्य समाचार सम्प्रेषणको निमित्त करिव पाँच बर्षदेखी खटिनु भएका थापा नेपालभर कतै नपुगेको सायदै ठाउँ छैन ।
पत्रकारितामा लागेको छोटो समयमै धेरै दर्शकहरुको मनमनमा बस्न सफल भोजराज थापाले संचालन गरेका मेचीकाली खवर हाल चर्चामा रहेका हरेक सामाजिक संजाल प्लेटफर्ममा हेर्न, पढ्न र सुन्न पाइन्छ । गरिव, दुखी, बेसाहारा र पिडितहरुको उद्धार गर्दै देशकै असल छोरा बन्न सफल लोकप्रिय पत्रकार भोजराज थापालाई राष्ट्रिय डिजिटल मिडिया अर्वाड २०८० मार्फत प्रतिभा प्रवद्र्धन मिडिया अवार्डबाट सम्मान गरिएको हो।
