दाङ्ग, स्वास्थ्य मृगौला सबैको लागि सबै ठाउँमा भन्ने मुल नारा सहित लमही सामुदायिक डायलाइसिस सेन्टरले विश्व मृगौला दिवसको अवशरमा जन चेतना ¥याली गरेको छ ।
बिभिन्न स्कुलबाट उपस्थित भएका बिद्यार्थीहरुले नियमित ब्यायम गरौ । खानपिनमा नुनको मात्रा कम गरौ । रोगको पहिचान, हाम्रो अभियान” जस्ता प्ले कार्ड बोकेका थिए । लमहीको रातो डाडाबाट पञ्चेबाजा र शहनाई सहित निस्केको टोलिले लमही बजार परिक्रमा गरि चौराहामा आएर कोणसभामा परिणत भएको थियो ।
“मृगौला रोगबाट बच्नका लागि सबैमा यो सन्देश पुगोस भनेर हामीले यो कार्यक्रम गरेका हौ” रोटरी क्लव अफ लमहीका अध्यक्ष रबिलाल आचार्यले भने । मिर्गाैलालाई सुरक्षित राख्न खानपान र शारीरिक व्यायाममा बिषेस ध्यान दिनु पर्ने डाक्टर गणेश चापागाईले बताए ।
बर्षमा एक पटक मृगौलाको परिक्षण गर्नु पर्ने बताउदै अन्य कुरामा समेत ध्यान दिन चापागाईले आग्रह गरेका छन । त्यस्तै लमही नगरपालिकाका प्रमुख कुल बहादुर केसीले मृगौला सम्बन्धि जनमानसमा चेतना जोगाउन आबश्यक रहेको बताए ।
कार्यक्रमा सहभागिलाई स्वास्थ्यको महत्व बुझ्न अनुरोध गरे । रोटरी क्लव अफ लमही र सामुदायिक डायलाइसिस सेन्टरले संयुक्तरुपमा कार्यक्रमको आयोजना गरेका हुन ।
रोटरी क्लव अफ लमहीका अध्यक्ष रबिलाल आचार्यको अध्यक्षता एवम लमही नगरपालिकाका प्रमुख कुल बहादुर केसीको प्रमुख आतिथ्यतामा भएको कार्यक्रमको सन्चालन सचीव केशब घिमिरेले गरेका थिए ।
