काठमाडौँः गृह मन्त्रालयले ऋण असुलीका नाममा ऋणीलाई दुःख, यातना, गाली–बेइज्जती वा दुव्र्यवहार गर्ने बैंक तथा वित्तीय संस्थाका कर्मचारीमाथि कारबाही गर्न निर्देशन दिएको छ ।
मन्त्रालयले परिपत्र जारी गर्दै ऋण असुलीका क्रममा घरबाट जिन्सी सामान उठाएर लैजाने, किस्ता नतिरेसम्म कर्मचारी घरमै बसेर धरपकड गर्ने लगायतका गैरकानुनी गतिविधि नगर्न भनेको हो । यस्ता गतिविधिबाट पीडित भएकाले जिल्ला प्रशासन कार्यालयमा उजुरी दिन सक्नेछन् । उजुरीका आधारमा प्रशासनले आवश्यक कारबाही प्रक्रिया अघि बढाउने मन्त्रालयले जनाएको छ ।
गृह मन्त्रालयको यो निर्णयपछि भने बैंक तथा वित्तीय संस्थाहरूमा ऋण असुली थप कठिन हुने चिन्ता देखिएको छ । खराब कर्जा बढिरहेका बेला ऋण असुलीमा कडाइ गर्न नपाइने अवस्था आए उठ्नुपर्ने ऋणसमेत नउठ्ने जोखिम रहेको बैंकरहरूले बताएका छन् ।
