काठमाडौं- प्रहरीले विमानस्थलमा भेटाएकाे १ लाख १६ हजार जापानी यन सहितकाे झाेला सम्बन्धित व्यक्तिलाई हस्तान्तरण गरेको छ ।
सोमबार अपराह्न काेरियन एयरको उडानद्वारा सिउलबाट काठमाडौं आगमन भएका यात्रु गोरखा स्थायी ठेगाना भएका सुनिल सिंहको झाेला प्रहरीले भेटाएर उनलाई हस्तान्तरण गरेको हो ।
राहदानी नम्बर ०५५३५०५७ भएका सिंहको झोलामा जापानी यन १ लाख १६ हजार, मोवाइल थान-२ र चस्मा थान-१ रहेको प्रहरीले जनाएको छ । प्रहरीले उक्त झोला त्रिभुवन अन्तर्राष्ट्रिय विमानस्थलको आगमन पार्किङ्ग एरियामा फेला पारेको थियो ।
