काठमाडौँः रसुवा भोटेकोशी क्षेत्रमा आएको बाढीपछि उद्धार तथा खोजी कार्यका लागि नेपाल प्रहरीले ठूलो संख्यामा जनशक्ति परिचालन गरेको छ ।
प्रहरीका अनुसार हालसम्म ४ हजार ४७३ जना प्रहरी उद्धार तथा खोजी कार्यमा परिचालित छन् । बाढीमा ४५७ जनाको शव फेला परेको छ भने १ हजार ४७३ जना घाइते तथा उद्धार गरिएका छन् । यस्तै, २७ जना प्रहरी कर्मचारी अझै सम्पर्कविहीन रहेको प्रहरीले जनाएको छ । तीमध्ये एक जना मृत फेला परेका छन् । फेला परेका शवमध्ये रसुवामा १३, धादिङमा ४०, गोरखामा ६६, नुवाकोटमा ३२, चितवनमा २२१, तनहुँमा २९, नवलपरासी पूर्वमा १३४ र नवलपरासी पश्चिममा २८ जना रहेको विवरणमा उल्लेख छ ।
घाइते तथा उद्धार गरिएकामध्ये रसुवामा ५७२, नुवाकोटमा ८९८ र धादिङमा ३ जना रहेको प्रहरीले जनाएको छ । काठमाडौं उपत्यकाका विभिन्न अस्पतालमा उपचाररत तथा डिस्चार्ज भएका घाइतेको संख्या ९४ जना रहेको छ ।
